“Hasarın o üzü” fəlsəfi adı ilə hazırlanan tamaşada əslində Ali Qüdrətin insanlardan tələb etdiyi mənəvi saflıq, insanpərvərlik kimi gözəl bəşəri duyğular tərənnüm olunur. Tamaşanın musiqi dramatirgiyası, işıq effekti diqqəti cəlb edir. Belə bir fonda gözəl aktyor ifası vardır. Allaha tapınmağı hər nemətdən üstün tutan bir ziyalı ailəsində baş verən dramatik hadisələr tamaşanın əsas süjet xəttini təşkil edir.